اخبار العراق الان

استشهد السيسي بعبارة رئيس الوزراء العراقي السابق نوري المالكي "ما انطيها" بالقول "مش هاسيبها"، ورصدت «البداية» أبرز تصريحات الرئيس عبد الفتاح السيسي، في كلمته بمؤتمر التنمية المستدامة، اليوم الأربعاء، وهدد الرئيس بأن من يقترب من مصر «هيشيله من على وش الأرض»، حسب قوله، ومن أبرز ما جاء بخطاب السيسي اليوم ما يلي:

انتو فاكرين أن هسيبها ولا إيه، أنا هفضل أبني فيها لغاية ما تنتهي ياحياتي يامدتي.

من أنتم مين..اسكتوا، أقسم بالله اللي هيقرب لمصر هشيله من على وش الأرض.

بتحبوا مصر صحيح..اسمعوا كلامي أنا بس..اسمعوا كلامي أنا بس.

سيبوا اللي مش جيد ومحتاجين نبص على النص المليان فقط محتاجين نعزز بقاءنا.

انتوا هتعرفوا الحكومة أكتر مني..دي حكومة كويسة وباقعد معاهم كل يوم..همه بياخدوا إيه عشان يستحملوكم.

اللي اتعمل في سنة ونص ما يتعملش في 20 سنة.

محاولات إسقاط مصر مازالت مستمرة، ولابد أن يشعر المواطن بالمجهود المبذول.

والله العظيم لو ينفع أتباع لاتباع.

لو كل واحد من اللي بيتكلموا في الموبايل صبح على مصر بجنيه هنعمل 4 مليار جنيه في السنة.

عايز أجيب كل اللي بيتكلم وأمسكه وزارة وأقوله وريني هتعمل إيه.

إحنا النهاردة هنقطع مصر ولا إيه، أنا مش هسمح بكده لا دول 90 مليون.