خالد العيسى الصوافطة
ياترامبوا خذ وهات
أنت نسل الخواجات
الله يرحم ترابك عرفات
دوم يحذرنا من العنصرية
ياترامب يامعطوب
وأنت الرقم المشطوب
نفطي ومالي مسلوب
اصحوا ياخليجية
ترامبو فيوزاته ضاربين
فكر حاله يذلك فلسطين
روح تشاطر على الصين
ومعها حل القضية
لاتفكر كوريا نسياه
عمرها ماتمشي على ممشاه
ورب السماء يمحاه
ترامبو راس الحية
عمل ورشة في البحرين
كرنبلات وبولتون وكوشنير اللعين
تعالوا وشوفوا فلسطين
أعلنت الوحدة الوطنية
صفقة قرن مانقبل
وغير الأقصى مافي حل
إلنا الوعرة وإلنا التل
وإلنا غزة والجليل و الضفة الغربية
قاوم ياشعبي قاوم
لاتصالح ولاتساوم
وترامبو على ظلمي مداوم
وبكرة تشرق شمس الحرية
وترامبو بده التطبيع
وحنا للوطن نبيع
والطفل يلي منا رضيع
مايبدل فلسطين بكل الكرة الأرضية
اسمع ياترامبو اسمع
حنا الشعب يلي مايركع
من رفح حتى سعسع
هذي الأرض عربية
لاتفكر بالمال تغريني
أوتوقيعك رح يلغيني
أنا كنعاني فلسطيني
ويشهد ربي عليّ
لفلسطين ماببيع
وحقي فيها لن يضيع
واقسم بالرب السميع
راجع لبلادي أقلع شوكي بيديه
لاتقول عن حالك رئيس
أنت في الغباء مأسس تأسيس
وأندب حظك التعيس
يلي وقعك مع الفلسطينية
ياترامبو أفكارك مابتعجبني
ولاعمرك بتغلبني
ومهما أخذت من صور تسيبي لفني
البحرين بتظل حرة أبية
ولو أنشدتوا للصهيونية النشيد
عزمنا أقوى من الحديد
عزة وكرامة للوطن بنعيد
ورايتنا تبقى علية
أنكر حق اللاجئين
وعودة شعبي الأمين
أقسم برب العالمين
هذه العودة حتمية
بده يغرينا بالمليارات
فاكر فلسطين مراقص وبارات
حنا من أشعلنا الثورات
مانبدل فلوس بدماء زكية
وشو بتقول للمعتقلين
ويلي قضوا العمر بالزنازين ؟
حنا على الألم والجوع صابرين
ونقهر عتم الزنزانة الردية
دم الشهداء نازل شلال
وعزيمتنا تهد جبال
واسمع مني شو أبوعمار قال
ياجبل ماتهزك الريح العتية
ياترامب تبحث عن النفوس المريضة
حتى توقع وتبيع القدس بعريضة
وحب القدس ياترامب عنا سنة وفريضة
والقدس عنا الشمس المضوية
ومن حضر الورشة من فلسطين الشعب مابنساهم
والسجون عنّا هي مأواهم
وينفذ فيهم حكم الشعب ونكف بلاهم
أصحاب النفوس الدنية
اكتب ياترامب وقع كل الأوراق
أنت واحد نذل وعديم الأخلاق
القدس تنادينا ونفديها بالأعناق
وهي رمزنا ومسرى محمد خير البشرية