أكد سامح ابو عرايس - مدير حملة عمر سليمان الاسبق - أن برنامج "ذا فويس كيدز" الذي تقدمه قناة إم بي سي مصر أراد توجيه رسالة مشفرة إلى الرئيس عبد الفتاح السيسي ، وذلك عن طريق إشراك طفل يسمى "أحمد السيسي" بالبرنامج ثم إخراجه بشكل مفاجئ . وقال "أبو عرايس" في تدوينة : برنامج " ذا فويس كيدز " بتاع ام بي سي برنامج ماسوني .. جابوا فيه طفل مصري اسمه " السيسي " وطلعوه من البرنامج وخلوا طفلة تانية تكسب علشان يرسلوا رسالة ماسونية للرئيس السيسي بأنهم ممكن يشيلوه ويجيبوا رئيس تاني . "بحسب مزاعمه" وأضاف: البرنامج ده برنامج يهودي ماسوني أصلا بيقدم في دول كثيرة وبلغات كثيرة وبيستخدم لأهداف سياسية . والمطربين المشاركين قاعدين على كراسي على شكل الهرم الناقص اللي بيعتبره الماسونيين رمزهم واللي يكتمل لما يحكم اليهود الماسونيين العالم ويقيموا نظام عالمي جديد حسب فكرهم . وشعار البرنامج ايد على شكل قبضة زي رمز ستة ابريل واوتبور وكاخ وغيرها من الحركات اللي بيصنعها اليهود الماسونيين للثورات وعاملة علامة حرف " في " علامة النصر علشان ترمز لانتصار الثورات اليهودية في العالم وعلشان كمان ترمز لقرنين الشيطان لأن الشيطان هو اللي بيقدسه الماسونيين وبيسموه لوسيفر وبيعتبروه اله علشان كده ده شعار البرنامج اللي بيرمز لسيطرة اليهود وتقديس الشيطان . الخلاصة ان البرنامج برنامج يهودي ماسوني وبيستخدموه لترويج أفكارهم وصناعة نجوم موالين لهم ولارسال رسائل ماسونية "بحسب قوله"