اخبار العراق الان

تحدث الرئيس عبد الفتاح السيسي، عن حادث قطار محطة مصر، قائلًا: عملنا في قانون الخدمة المدنية إجراءات عشان نظبط أدائنا، مش عشان نعذب ولادنا، طيب ينفع واحد واخد استروكس ويركب قطر، ويبقى صاروخ طاير على الأرض ويضيع ولادنا وأهلنا فى المحطة لا”.

وأضاف خلال الندوة التثقيفية للقوات المسلحة بمقر مركز المنارة للمؤتمرات، للاحتفال بيوم الشهيد: “لن نسمح بذلك مرة أخرى، وسنحاسب بالقانون اللي بيتعاطى مخدرات سيتم إنهاء خدمته فورا، والتحاليل يجب تنفيذها بصدق وأمانة، متجيش بعد كدا وتقول عنده أولاد، طيب واللى ماتوا معندوهمش أولاد وأهل؟ لا عندهم.. وهذا الأمر على كل مرفق”.

وواصل: “من ضمن الشائعات أن البعض قال أننا تحايلنا على كامل الوزير منذ 5 أيام، هو إحنا عندنا فى الجيش يا كامل بنتحايل على حد؟ كامل قال لى أنا تحت رجل مصر في أي وقت، بس كان لازم موافقة البرلمان، وهو في إجازة الآن، دي الحقيقية يامصريين، لازم البرلمان يوافق على الوزير اللى نرشحه ثم يحلف اليمين طيب البرلمان في إجازة”.

وفي سياق آخر قال الرئيس عبد الفتاح السيسي، أنه وقت تجهيز البيان الخاص بالقوات المسلحة في أحداث محمد محمود “قولت ساعتها هنقول لو الشعب المصري وافق على تسليم المجلس العسكري مصر في استفتاء تسلم الدولة فورا كما يريد المصريين، ولكن مش هنسلمها للسراب والضياع”.

وأضاف: “رئيس الهيئة الهندسية خلال أحداث محمد محمود، قالنا لو معلمناش فاصل بين شارع محمد محمود، وميدان التحرير، البلد دى هتضيع، وخلال يوم و2 و3 و4 و5، اتقفل، وانتهت أزمة القتلى، لكن الصورة التى تم تصديرها أن المجلس العسكرى قام بهذه العملية، كما تم تصدير أحداث ماسبيرو وأحداث بورسعيد، كما تصدر أن وزارة الداخلية قامت بقتل الناس فى 25، وأنا مش بزور التاريخ”.

وواصل: “الوقت دا اتعملت عملية شديدة الإحكام لقتل الناس والصورة تطلع كدا والدولة تسقط، وأنا بقولكم يا مصريين حجم الخسارة من 2011 لـ 2015 حجم ضخم جدًا، وهنفضل ندفع ثمن كبير جدًا لاستعواضه، لأنه الناس لم تكن تعلم قدرة تأثير شبكة التواصل الاجتماعى فى إدارة الأزمة، وكانت المطالب تلقى على الشبكة، وتأخذها وسائل الإعلام فى التوك شو بالليل عشان تبقى مطالب واجبة التنفيذ”.

وتابع السيسي: “حروب الجيل الرابع والخامس من الحروب لا يعتمد على المواجهة المباشرة، ولكن يقوم بنشر الشائعات وتحطيم آمال وثقة الناس بنفسها وبعضها وبنفسها، وعاوز أسأل رجال الدين والإسلاميين اللي كنت بقعد معاهم بصفتي مدير المخابرات ومسؤل عن الاتصال بيهم، عاوزهم يطلعوا يقولوا اللي أنا قولته، قولتلهم لا قبل لكم بتحديات مصر، وابعدوا لأنكم هيبقى ليكم أفكار هتبقى عبء عليكم، وسألوا وقالو نقدم رئيس، والمشكلة أنا راجل صادق أوي وشريف أوي وقولتلهم وقتها لأ، مصر عاوزة حد يقوم بمواجهة تحدياتها”.

وأوضح الرئيس المصري: «أنا راجل صادق أوي وأمين أوي إن شاء الله.. هقابل ربنا على كل كلمة وكل فعل عملته.. حجم التحديات مينفعش حد يواجهه بجماعته».

وتابع: «عايزين 8.5 مليار رغيف في الشهر، عارفين الرغيف عشان يكون موجود بيتعمل له حكاية، هقولكم على حاجة كان فيه عرض إنه هتحصل مشكلة في 2060، قسما بالله قلت لابد من التصدي ولا نترك لأجيالنا الخراب والضياع».

ويشهد عبد الفتاح السيسي، رئيس الجمهورية، اليوم، ندوة تثقيفية، والتي تتزامن مع احتفال مصر والقوات المسلحة بـ”يوم الشهيد”.

وتتضمن الندوة عرض فيلم عن الشهداء، بالإضافة إلى تكريم عدد من المصابين وأسر الشهداء.