وجه محافظة الديوانية عمار حبيب الطرفي رسالة في صفحته الشخصية الفيس بوك إلى رئيس الوزراء حيدر العبادي يُناشد فيها حماية عناصر الحشد الشعبي على طريق الرمادي في محافظة الانبار .. وجاء ما نشره الطرفي ادناه ..
السيد رئيس الوزراء المحترم ، خلال شهرين اكثر من ٦٠ رجل من أبطالنا ( إظفر واحدهم يسوه راسك ) ينغدرون على طريق الرمادي ببرودة و بنفس الطريقة وربما نفس المكان ...
لا تنزل وياهم دوريات ولا الطريق مؤمن ولا انتم داعمين تشكيلات الحشد بصورة تسد النقص و تمكنهم من بسط سيطرتهم فعلا ...
اكو عاقل مايعرف اللي ينهزم بالمواجهة بأرضه يلجئ لأسلوب العصابات ؟ هاي بس انتم قادة تالي وكت ..
بعد لا الحويجة محرريها ولا مكحول فاضة سالفتها ولا الرمادي واقضيتها ساكتة وبيجي كل شكم يوم تعرض والموصل نصها عدهم وجنابك گمت تطحر من الحشد و١٠٠ تصريح على الحل والتسريح ، وصارت كل سالفتك استغلال الحشد سياسيا حتى لا يأثرون على وجودكم ، لان هو هذا اللي يهمكم بالحقيقة ، سياستكم المرعبلة وبس ..