امتلأ الشاشات العراقية لاسيما قناة العراقية التي تمول من اموال الشعب، في شهر رمضان الحالي بجملة من الاعمال الفنية الهابطة الى مستوى يندى لها الجبين في سابقة خطيرة للغاية في البلاد. وتكررت هذه الاعمال الفنية في قنوات عديدة بنفس الاشخاص الذين يطلقون على انفسهم ممثلين، لدرجة ان الناس عزفوا عن مشاهدتها مثلما عزفوا عن الانتخابات. وكتب المخرج ‎احمد حسن موسى‎ على حسابه في فيسبوك "اوقفوا مهازل الدراما في العراقية حالاً، صار سنتين نكدي حتى نسوي دراما محترمة، لان الحكومة هجرت الثقافة والفن، اربع سنوات تساهم الحكومة بإفقار الفن والفنانين والبعض يستهزأ بينا ويشكك بنجاحنا، ونجحنا نجمع من الشركات مبلغ وصل مليارين مقابل اعلان الهم في مسلسلاتنا". واضاف "سنة ونص نفحص نصوص تليق بالعراق وفنه، واللجنة كانت دقيقة حتى رفضوا نصوصنا احنا، لان ما تليق بالمرحلة ودور الفن الان، وكعدنا كل اعضاء اللجنة لا تمثيل ولا اخراج ولا شركات، حتى نفتح مجال لكل زملائنا ، وهذا واجبنا نضحي لأجلهم، وسوينا ميزانيات محسوبة بدقة وبيها اجور تحترم جهد الفنان". وتابع "ومن ردنا نبدي خفنا من النزاهة وطلبنا امان من الحكومة، 3 اشهر وكفنا والعبادي مشغول بالانتخابات وبكتلته، برغم ان المبالغ هبة من الشركات ولا دخل للحكومة بها، وراها طلعت اكو فلوس بالعراقية وتقدم سكيجات هابطة، بلا نكهة ولا طعم ولا لون ، وتسئ للعراق وفنه". وتساءل "زين شنو جبتونا لجنة دراما حتى تسقطونا امام اصدقائنا، لا فحص نصوص ولا جودة ولا عطاءات معلنة، شو لا خفتوا من النزاهة ولا احترمتوا الفن بالعراق". وهذا اول رمضان يشهد انحدرا اخلاقيا في الدراما العراق.